<p>Mutual Generation International imepata nafasi ya kushiriki kwenye mafunzo ya kuwajengea uwezo taasisi mbalimbali, yaliyoandaliwa na Haki Elimu tarehe 6-7 Desemba 2024 katika ukumbi wa Aika Hotel, Morogoro.</p><p>Mafunzo hayo yalilenga kuimarisha uelewa wa washiriki kuhusu masuala ya malezi, makuzi, na maendeleo ya awali ya watoto (Early Childhood Development - ECD). Kupitia kikao hicho, taasisi yetu ilijifunza mbinu bora na nyenzo za kuboresha huduma kwa watoto wadogo, huku tukibadilishana uzoefu na taasisi nyingine zilizohudhuria.</p><p>Kujengewa uwezo katika maeneo muhimu kama haya kunatupa fursa ya kuimarisha juhudi zetu za kutoa mchango wa maana kwenye maendeleo ya jamii, hasa katika sekta ya elimu na ustawi wa watoto. Kikao hiki pia kilikuwa jukwaa muhimu la kuimarisha ushirikiano na taasisi nyingine, tukishirikiana kwa karibu kuhakikisha watoto wa Tanzania wanapata huduma na malezi bora yanayostahili.</p><p>Tunatoa shukrani za dhati kwa Haki Elimu kwa kuandaa mafunzo haya ya thamani, na tunatarajia kutumia maarifa tuliyopata kuboresha zaidi kazi na huduma zetu kwa jamii.</p>